Azərbaycanda orta əmək haqqı 9,4% artıb

14:17 | 11.07.2024
Azərbaycanda orta əmək haqqı 9,4% artıb

Azərbaycanda orta əmək haqqı 9,4% artıb

2024-cü ilin ilk 5 ayında Azərbaycan iqtisadiyyatında muzdla çalışan işçilərin orta aylıq nominal əməkhaqqı ötən ilin uyğun dövrü ilə müqayisədə  9,4 % artaraq 1 003,3 manat təşkil edib. Bu barədə  Dövlət Statistika Komitəsi (DSK) məlumat verib. 
 
Yüksək əmək haqqı əsasən  iqtisadiyyatın mədənçıxarma sənayesi, maliyyə və sığorta fəaliyyəti, informasiya və rabitə, peşə, elmi və texniki fəaliyyət, həmçinin nəqliyyat və anbar təsərrüfatı sahələrində qeyə alınıb. 
 
2024-cü il iyunun 1-ə ölkə iqtisadiyyatında muzdla çalışan işçilərin sayı 1749,4 min nəfər olub. Onlardan 893,1 min nəfəri iqtisadiyyatın dövlət sektorunda, 856,3 min nəfəri isə qeyri-dövlət sektorunda çalışıb. 

Muzdla işləyənlərin 18,9 faizi təhsil, 18,6 faizi ticarət; nəqliyyat vasitələrinin təmiri, 12,8 faizi sənaye, 8,4 faizi əhaliyə səhiyyə və sosial xidmətlərin göstərilməsi, 6,8 faizi tikinti, 6,4 faizi dövlət idarəetməsi və müdafiə; sosial təminat, 4,3 faizi nəqliyyat və anbar təsərrüfatı, 3,8 faizi peşə, elmi və texniki fəaliyyət, 3,3 faizi kənd təsərrüfatı, meşə təsərrüfatı və balıqçılıq, 2,2 faizi maliyyə və sığorta fəaliyyəti, 14,5 faizi isə iqtisadiyyatın digər sahələrində məşğul olub. 
 
N.Təbrizli


www.anews.az
0
Bizi sosial şəbəkələrdə izləyin !

REKLAM

Xəbər lenti

Bu gün Azərbaycanda "Anım Günü"dür