"Milan" klubunun hücumçusu Mario Balotelli yenidən karyerasını İngiltərə Premyer Liqada davam etdirəcək.
Qol.Az-ın "Football İtalia"ya istinadən verdiyi məlumata görə, qana əsilli futbolçu "Liverpul"un təklifini müsbət qarşılayıb.
"Bu gün "Milan"ın bazasında son günümdür" - deyə Balotelli bildirib. Bu transferin "Liverpul"a 22 milyon avroya başa gəldiyi iddia olunur.
Qeyd edək ki, Balotelli ötən mövsüm keçirdiyi 30 oyunda 14 qol vurub və 6 məhsuldar ötürmə ilə yadda qalıb.
Xatırladaq ki, 24 yaşlı futbolçu 2010-2013-cü illərdə "Mançester Siti"nin şərəfini qoruyub.
ANN.Az
Bizi sosial şəbəkələrdə izləyin !