Britaniya siqaret çəkən uşaqlar üçün ilk dövlət xəstəxanası açıb

Liverpuldakı Alder Hey Uşaq Xəstəxanası 11-15 yaşlı uşaqlar üçün siqaretdən istifadəni dayandırma xidmətini işə salıb. Bu, İngiltərədə Milli Səhiyyə Xidməti (NHS) tərəfindən gənclər arasında artan nikotin asılılığı problemini həll etmək üçün yaradılan ilk klinikadır.

Siqaret və Sağlamlıq üzrə Fəaliyyətə (ASH) görə, son illərdə yeniyetmələr arasında vaping əhəmiyyətli dərəcədə artıb.

 

2023-cü ildə 11-18 yaşlı gənclərin 18%-i elektron siqareti sınaqdan keçirib. Bu rəqəm  2022-ci ildə 20%, 2019-cu ildə 13% olub.  Eyni zamanda, yeniyetmələrin təxminən 7,2%-i mütəmadi olaraq vapdan istifadə etdiklərini bildirib.

"Elektron siqaret çəkən gənclərin sayının  artması təcili tədbirlər görməyi tələb edir. Klinikamız nikotin asılılığından əziyyət çəkənlərə dəstək olmaq və onlara bu vərdişdən qurtulmaqda kömək etmək məqsədi daşıyır”, - pediatriya üzrə məsləhətçi professor Rachel İsba bildirib.