• $
  • €
  • ₽
  • ₺
  • £

MTRŞ: "ANS odla oynayır"

MTRŞ: "ANS odla oynayır"
14.10.2015 16:20
"Erməniləri tərifləyən, indi isə ANS-i dəstəkləyən o rus incəsənət adamları bəlkə ANS ÇM-də erməni mahnılarının səsləndirilməsini eşidib, cuşa gəliblər?". 

"Report" xəbər verir ki, bunu Milli Televiziya və Radio Yayımları Şurasının şöbə müdiri Təvəkkül Dadaşov deyib. 

O qeyd edib ki, Anspress.com saytında ANS televiziyasına Rusiyadan bir qrup incəsənət adamının "dəstək verməsi" ilə bağlı informasiyalar yer alıb: "Əlbəttə ki, bunun təşkil olunmuş iş olduğu aydın məsələdir. Amma bu cür işləri görənlər yəqin ki, odla oynadıqlarının fərqindədir. Əvvəla ona görə ki, bir ölkənin daxili işlərinə xaricdən istənilən səviyyədə müdaxilə yolverilməzdir. Azərbaycanda bu işə qol qoyan bir çoxlarının aqibəti də bəllidir. Digər tərəfdən, xaricdən dəstək verənlərin kimliyi də vacib məsələdir. Həmin altı nəfər rus incəsənət nümayəndələri arasında Anna Şatilovanın, Vladimir Maşkovun, Emmanuil Vitorqanın adları da yer alıb".

T.Dadaşov bildirib ki, əslində incəsənət adamları sərbəst insanlar olur: "Bu aydındır. Amma məlumdur ki, bizim torpaqlarımızın 20%-i Ermənistan tərəfindən işğal olunub. Ermənistana isti münasibət sərgiləyən istənilən şəxsə qarşı yerli ictimaiyyətdə təbii olaraq müəyyən qıcıq var. Məhz buna görə də biz azərbaycanlılar bu nöqtədə həssas davranmalıyıq. Hələ-hələ "döyüş alnımıza yazılıb" şüarı ilə efirə çıxan ANS. Sözümün canı ondadır ki, ANS-ə Rusiyadan dəstək verən o altı nəfərdən Anna Şatilovanın "youtube"da "Razqovor s armyanskim aksentom" erməni kanalında erməniləri, erməni konyakını o ki var tərifləyən videosu yayılıb, nəticədə ona baxan istənilən azərbaycanlıda belə bir insanın Azərbaycanda baş verənlərə xoş niyyətdən yanaşdığına şübhə yaradır".

Şöbə müdirinin sözlərinə görə, məktuba imza atan Vladimir Maşkovla bağlı erməni saytları geniş yazılar yayıb: "Ermənilər onun Spitak zəlzələsi ilə bağlı filmdə baş rollardan birini oynayacağı haqda yazırlar. Babalı öz boyunlarına. Emmanuil Vitorqan isə "youtube"da yer alan videoda Moskva erməni teatrının yubileyi ilə bağlı çıxış edir və əlbəttə ki, ermənilər, erməni teatrı barədə müsbət fikirlər səsləndirir. Düzdür, demək olmaz ki, bu adları çəkilən rus incəsənət xadimləri bizim düşmənimizdir. Amma istər-istəməz Azərbaycan ictimaiyyəti bu cür halları xoş qarşılamır. Buna görə də həmin rus incəsənət xadimlərinin kimisə dəstəkləməsi üzərində qurulan şounun tərs üzünün ola biləcəyini də nəzərə almaq lazımdır".

www.ann.az
Instagram
Keçid et
Oxşar xəbərlər
Oxşar xəbərlər
Xaçmazda iki avtomobil toqquşub, bir ailənin altı üzvü xəsarət alıb
Cəmiyyət 23:30
Xaçmazda iki avtomobil toqquşub, bir ailənin altı üzvü xəsarət alıb
Qazaxda 63 yaşlı kişi Kürdə batıb
Cəmiyyət 22:56
Qazaxda 63 yaşlı kişi Kürdə batıb
Bu ərazilərdə qaz olmayacaq
Cəmiyyət 22:20
Bu ərazilərdə qaz olmayacaq
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Anews TV

Rəsmi Youtube kanalımız

Abunə ol