Deputat seçiciləri qəbul edib

 

Yasamal rayonundakı seçki qərargahında baş tutan görüşdə yerli sakinlər onları narahat edən məsələ və problemlər barədə söz açıblar. Görüş zamanı əsas etibarilə "Sovetski” kimi tanınan məhəllənin sakinləri yaşayış evi, kompensasiya, sosial və hüquqi məsələləri əhatə edən mövzuları qaldırıblar. Seçiciləri ayrı-ayrılıqda qəbul edən deputat Elşad Həsənov onları diqqətlə dinləyib və  müraciətlərini qəbul edib. Millət vəkili bildirib ki, qaldırılan bütün məsələlərin həlli onun şəxsi nəzarətində olacaq və müvafiq hakimiyyət orqanları ilə müştərək çözüm istiqamətində səy göstəriləcək. Eyni zamanda , bir  qism müraciətlər yerindəcə həll edilib. Digər qismi isə aidiyyətı orqanlara yönləndirilib.

Xatırladaq ki, Milli Məçlis üzvü Elşad Həsənov təmsil etdiyi seçicilərin elektron müraciət, sorğu və təkliflərinin qəbulunu da davam etdirir. Müraciətlər bu e-mailə göndərilməlidir:  [email protected]

Paytaxtın 17 saylı Yasamal 3-cü seçki dairəsini təmsil edən seçicilər onları narahat edən sosial problem, təklif və şikayətlərini qeyd olunmuş elektron poçt ünvanına göndərə bilərlər. Müraciətdə vətəndaşı narahat edən problemin mahiyyəti barədə qısa məlumat, həmçinin vətəndaşın ünvanı və əlaqə telefonu qeyd olunmalıdır.