208 nəfər direktor təyin olunub

ANN.Az Təhsil Nazirliyinə istinadən xəbər verir ki, təlimlərin məqsədi müasir idarəetmə bilik və bacarığına yiyələnmiş, informasiya texnologiyalarına bələd, təhsil və sosial inkişafa töhfə verə biləcək məktəb direktorlarını yetişdirmək və təkmilləşdirməkdir.

Bu məqsədlə, Təhsil Nazirliyi məktəb direktorlarının işə qəbulu ilə bağlı 4 mərhələli müsabiqə keçirib. Əvvəlcədən müəyyənləşdirilən 597 vakant yerə 2260 nəfər müraciət edib. İmtahanda iştirak edən 1591 nəfərdən 516 nəfəri müsahibə mərhələsinə buraxılıb. Onlardan 208 nəfər ölkənin şəhər və rayonlarındakı vakant məktəb direktoru vəzifəsinə işə qəbul olunub.

Qeyd edek ki, təlimlər Gəncə şəhəri, Göygöl, Samux, Goranboy və Daşkəsən rayonlarında keçiriləcək.

Xatırladaq ki, respublikanın ümumtəhsil müəssisələrinə mərkəzləşdilirmiş qaydada müəllimlərin işə qəbulu üzrə keçirilən müsabiqənin nəticələrinə əsasən, 2365 nəfər müəllim adını qazanıb. Onlardan 1800 nəfəri kənd məktəblərində həvəsləndirmə yerləri tətbiq olunan vakant yerləri seçib.