ADU-da mediatur təşkil olunub

ANN.Az xəbər verir ki, universitetin rektoru vəzifəsinin icra edən professor Əfqan Abdullayev təşkil olunan mediatur zamanı ali təhsil müəssisəsində aparılan imtahan proseslərin şəffaf aparılmasına bir daha diqqət çəkib:

Mediaturda iştirak edən rəsmilər imtahan prosesinin keçirilməsində heç bir neqativ hal olmadığını şəffaf keçirildiyini vurğulayıblar.

Qeyd edək ki, ADU-da payız imtahan sessiyasına dekabrın 30-da start verilib. İmtahan sessiyası Pedaqoji (ingilis dili – alman dili), Pedaqoji (ingilis dili – fransız dili), Filollogiya və jurnalistika, Tərcümə, Regionşünaslıq və beynəlxalq münasibətlər, Əlavə təhsil, Magistratura və doktorantura fakültələrində və SABAH qruplarında əyani şöbədə 3 fevral 2017-ci il, qiyabi şöbədə isə 9 fevral 2017-ci ilədək davam edəcək. 

ADU-da 2016-2017-ci tədris ilinin payız semestrinin imtahan sessiyasında bəzi yeniliklər tətbiq edilib. Belə ki, universitetdə imtahan biletlərinə nömrə qoyulmur, həmçinin müvafiq otaqlar əvvəlcədən möhürlənir və tələbələr yalnız imtahana 10 dəqiqə qalmış auditoriyaya buraxılır. Mühüm yeniliklərdən biri də imtahanların biliyin qiymətləndirilməsi və monitorinqi mərkəzi tərəfindən keçirilməsidir. 

İmtahan prosesində tətbiq edilən yeniliklər yazı işlərinin yoxlanılmasını da əhatə edir. Belə ki, yazı işləri yoxlanıldıqdan sonra təkrar yoxlanılaraq təsdiqlənir və anonimliyi qorunur.

Xatırladaq ki, ADU-da 2016-2017-ci tədris   ilinin payız semestrinin imtahan sessiyası dövründə yarana biləcək neqativ halları dərhal araşdırmaq və müvafiq tədbirləri görmək, habelə sessiyanın şəffaf, normativ sənədlərə uyğun keçirilməsinə kömək etmək məqsədi ilə Operativ Qərargah fəaliyyət göstərir. Tələbələrin imtahanla bağlı təklif və şikayətlərini bildirmələri üçün universitetin bütün korpuslarında möhürlənmiş şəffaf qutular yerləşdirilib. Şəffaf qutular İctimai Nəzarət Şurasının üzvlərinin iştirakı ilə dəfələrlə açılıb, tələbələr tərəfindən bildirilən irad və təkliflər təhlil olunaraq müzakirə olunub.