• $
  • €
  • ₽
  • ₺
  • £

Bakı-Şamaxı yolunda çoxlu tektonik çat var

Bakı-Şamaxı yolunda çoxlu tektonik çat var
07.03.2017 15:00
"Dünən Bakı-Şamaxı avtomobil yolunun 106-cı kilometrliyində baş vermiş torpaq sürüşməsi aktiv fazadadır”.

ANN.Az xəbər verir ki, bunu APA-ya Ekologiya və Təbii Sərvətlər Nazirliyinin (ETSN) Milli Geoloji Kəşfiyyat Xidmətinin Geoloji planlama ekspedisiyasının rəisi Əziz Qaralov deyib.

Ötən il Geoloji planlama ekspedisiyanın Bakı-Şamaxı avtomobil yolunun 106-cı km-də istiqaməti dəyişmək barədə tövsiyə xarakterli təklif irəli sürdüyünü xatırladan Ə. Qaralov bildirib ki, növbəti dəfə həmin ərazidə sürüşmə baş verib, sürüşmə davam edir: "Sürüşmə "Acıdərə” adlı ərazini əhatə edir. "Acıdərə”nin həm sağ, həm də sol tərəfi Şamaxı-Qobustan sinklinoriumunda yerləşir. Altında maykop çöküntüləri, üstündə 3 metrə yaxın torpaq qatıdır. Yolun sol tərəfində yamacın meyliliyi təxminən 20 dərəcədir. Bakı-Şamaxı avtomobil yolunun 106-cı kilometrliyində çoxlu tektonik çatlar mövcuddur və yeraltı sular demək olar daimi üzdə olur. Həmin horizont sulu horizontdur”.

O qeyd edib ki, 106-cı km-də sürüşmənin uzunluğu təxminən 20-30 metr, eni isə 70-85 metrə yaxındır: "Sürüşmə qaşının hündürlüyü 70 sm-ə qədər olur. Yolun sol hissəsində istinad divarı da tikilib, su ötürücü quraşdırılıb. Sürüşmə baş verdikcə torpaq yola tökülür, gediş-gəlişə mane olur. "Acıdərə” özü tektonik qırılma zonasında yerləşir. Dərə boyu, tektonik qırılma baş verdikdə uzunluğu 5-20 metr olan çatlar əmələ gəlir. Çatların eni bəzən 5-10 sm olur. Səth suları da həmin çatlar vasitəsilə üzə çıxır. Yamac daimi sulu, nəm olur. Əlavə olaraq yağış yağdıqda kütlə tam doyur, ilişmə qüvvəsi azalır, ağırlıq qüvvəsi artır və maililiyi yola tərəf olan yamac istiqamətində sürüşmə baş verir”.

Qeyd edək ki, Bakı-Şamaxı yolunun 106-cı km-dəki sürüşmə sahəsi təhlükəli sürüşmə sahələrinin topoqrafik əsaslar üzərində hazırlanmış xəritələr toplusuna daxil edilib.

www.ann.az
Instagram
Keçid et
Oxşar xəbərlər
Oxşar xəbərlər
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Cəmiyyət 10:59
Azərbaycanın bəzi rayonlarında intensiv yağış, Şahdağda qar yağıb - FAKTİKİ HAVA
Qazaxda iki nəfər bıçaqlanıb
Cəmiyyət 10:54
Qazaxda iki nəfər bıçaqlanıb
İranda 4,5 maqnitudalı zəlzələ baş verib, Naxçıvanda hiss olunub
Cəmiyyət 10:00
İranda 4,5 maqnitudalı zəlzələ baş verib, Naxçıvanda hiss olunub
Anews TV

Rəsmi Youtube kanalımız

Abunə ol