Bakıda 30 bina söküləcək
15.03.2017 11:45
Bakıda 30 "Xuruşşovka” tipli binaların sökülməsinə qərar verilib. Ötən əsrin 50-ci illərində inşa edilən və istifadə müddətini başa çatan bu binaların əksəriyyəti Nəsimi rayonu 1-ci mikrorayon ərazisində yerləşir.
ANN.Az Xəzər TV-yə istinadən xəbər verir ki, bu binalardan köçürüləcək 4 min sakin bir neçə il kirayə evlərdə qaldıqdan sonra yeni və daha geniş mənzillərə köçə biləcəklər.
Söküntü işlərinin aparılması və həmin ərazilərdə yeni binaların tikintisini Fövqəladə Hallar Nazirlyinin nəzarəti ilə özəl şirkətlər öz vəsaitləri və kreditləri hesabına həyata keçirəcək.
Sakinlər tikinti aparacaq şirkət hesabına kirayə evlərə köçürüləcək və tikinti başa çatdıqdan sonra onlara həmin ərazidə inşa edilən hündürmərtəbəli binada öz evlərindən 10% daha geniş evlər veriləcək.
Yeni binada hər bir vətəndaşa hazırda yaşadığı mərtəbəyə uyğun ev veriləcək. Söküntü işlərinə nə zaman başlanacağı isə dəqiq bilinmir.
Ekspertlər isə hesab edir ki, paytaxt ərazisində belə böyük həcmli söküntü işinin aparılması kirayə qiymətlərinə təsir edəcək.
Yeni binaların təhvil verilməsi isə yeni evlərdə qiymət artımının qarşısını alacağı proqnozlaşdırılır.
www.ann.az
Facebook
Bizi Facebookda izləyin
Oxşar xəbərlər
Oxşar xəbərlər
Cəmiyyət 14:19
Nazir müavini vahid geyim qaydalarının özəl məktəblərə şamil olunması məsələsinə münasibət bildirib
Foto
Video
