• $
  • €
  • ₽
  • ₺
  • £

Abid Şərifov: Bakıda bu evlər söküləcək

Abid Şərifov: Bakıda bu evlər söküləcək
02.05.2017 13:46
Azərbaycan Baş nazirinin müavini Abid Şərifov Bakıda yerləşən "Xruşşovka” tipli beton yaşayış binalarının sökülüb-sökülməyəcəyi ilə bağlı məsələyə münasibət bildirib.

"ASAN radio”nun "QəbuldASAN” verilişində Fövqəladə Hallar Nazirliyinin təşəbbüsü ilə ilk növbədə mikrorayon ərazilərində yerləşən beton binaların sökülməsi ilə bağlı pilot layihə hazırlandığını vurğulayan Baş nazirin müavini deyib ki, buna səbəb mikrorayonlarda bu cür yaşayış binalarının nöqsanlı tikilməsidir:

"Çünki belə evlərdə yaşayan insanların əksəriyyəti xəstədir. Ona görə də ilk növbədə beton evlər sökülməlidir. Əsas məsələ insanların sağlamlığını düşünməkdir. Lakin yaxın müddətdə mikrorayonlardan kənarda olan belə yaşayış evlərinin sökülməsi nəzərdə tutulmur”.

A.Şərifov qeyd edib ki, Montin qəsəbəsində beton binalar olmadığından orada hansısa söküntünün aparılması gündəmdə deyil.

Beton evlərin insanların həyatı üçün çox ciddi təhlükə mənbəyi olduğunu deyən Müstəqil Memarlar Assosiasiyasının rəhbəri Zemfira Budaqova hesab edir ki, sadəcə mikrorayonlardakı yox, bütün ərazilərdəki beton evlər sökülməlidir.

Panel evlərdə yaşayan insanların əksəriyyətinin səhhətində ciddi problemlər olduğunu qeyd edən memarın sözlərinə görə, o evlərdə yaşayan insanların çoxu revmatizm, böyrək ağrıları kimi xəstəliklərdən əziyyət çəkir:

"Həm də ki, beton evlər çox soyuq olur. Yay aylarında isə temperatur yüksəldikcə, istidən orada qalmaq çətinləşir”.

Bakının havasının rütubətli olduğunu deyən Z.Budaqovanın sözlərinə görə, şəhər dənizin kənarında yerləşdiyi üçün rütubətin səviyyəsi çoxdur, atmosfer təzyiqi yüksəkdir:

"Mən bu evlərin sökülməsini Elçibəyin vaxtında təklif eləmişdim ki, bu binalar sökülüb, yenilənməlidir”.

Memar xanımın sözlərinə görə, mikrorayonlardakı "Xruşşovka”ların əvəzinə tikilən çoxmərtəbəli binalar şəhərsalmanın qaydalarına uyğun inşa ediləcəyi halda müsbət qiymətləndirilə bilər:

"Binalar yerin ağırlıqgötürmə qabiliyyətinə hesablanaraq tikilməlidir. Tikinti aparılarkən bu xüsusiyyətlər nəzərdən qaçmamalıdır. Torpağı həddindən artıq yükləyəndə fəsadları da çox olur”.

Z.Budaqovanən sözlərinə görə, bina tikintisi zamanı yol verilən ən böyük problemlərdən biri də binalar arasındakı məsafənin yox səviyyəsində olmasıdır:

"Evlər, binalar arasında hədsiz qısa məsafələr qoyurlar. Bunlar şəhərsalma qanunlarına tamamilə ziddir. Hündürmərtəbəli binaların tikintisinin də öz normativləri var. Şəhərsalma qaydalarına görə, binalar arasındakı məsafə iki binanın hündürlüyünün yarısı qədər olmalıdır. Bizdə isə vəziyyət dəhşətdir. Demək olar, bütün yaşayış binalarının sağı-solu, önü, arxası əlavə tikililərlə bağlanıb. "Xruşşovka”lar hər nə qədər təhlükəli olsalar da, onlar arasındakı məsafələr hündürlüklərinə uyğun hesablanıb. Ümid edirəm ki, onların yerinə tikiləcək hündürmərtəbəli binaları bir-birinin içində tikməyəcəklər”. 

www.ann.az
Instagram
Keçid et
Oxşar xəbərlər
Oxşar xəbərlər
Xaçmazda iki avtomobil toqquşub, bir ailənin altı üzvü xəsarət alıb
Cəmiyyət 23:30
Xaçmazda iki avtomobil toqquşub, bir ailənin altı üzvü xəsarət alıb
Qazaxda 63 yaşlı kişi Kürdə batıb
Cəmiyyət 22:56
Qazaxda 63 yaşlı kişi Kürdə batıb
Bu ərazilərdə qaz olmayacaq
Cəmiyyət 22:20
Bu ərazilərdə qaz olmayacaq
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Anews TV

Rəsmi Youtube kanalımız

Abunə ol