Məktəbə silahlı hücum: 8 şagird bıçaqlandı

AzVision.az "Ria Novosti”yə istinadən xəbər verir ki, bunu Perm vilayətinin ərazi təhlükəsizlik nazirliyinin rəsmisi Yelena Dubinina bildirib. Onun sözlərinə görə, hadisə şəhərin Motovilixin rayonunda yerləşən 127 saylı məktəbdə baş verib.

Belə ki, iki maskalı şəxs məktəbə hücum edib. Nəticədə 8 uşaq və 1 müəllim bıçaq xəsarəti alıb. Bir şagird və müəllimin vəziyyəti ağırdır. Onlar əməliyyata alınıb. Hadisə ilə bağlı təxminən 700 uşaq məktəbdən evakuasiya edilib. 

Artıq məktəbə basqın edən şəxslər saxlanılıb. Hadisənin təfərrüatları araşdırılır.