“Nardaran işi” ilə bağlı məhkəmə keçirildi

"Qafqazinfo”nun verdiyi xəbərə görə, hakim Əfqan Hacıyevin icraatında olan prosesdə baxış iclası baş tutub.

Dövlət ittihamçısı Fərid Nağıyev çıxış edərək ittiham aktını elan edib. Hər iki şəxs özlərini təqsirli bilmədiklərini deyiblər. 

Sərbəst güləş üzrə idman ustası olan E.İsgəndərov qarşıdurma zamanı Sabunçu Rayon Polis İdarəsinin qarşısında olmadığını deyib:  "Müsəlman Birliyi Hərəkatının üzvüyəm. "Nardaran hadisələri"ndən öncə məni tutub 15 sutka cəza verdilər. Ona görə də həmin hadisələr zamanı təcridxanada olmuşam. Məhkəmədən ədalətli qərar gözləyirəm".

Proses fevralın 23-də davam etdiriləcək. 

 

E.İsgəndərov 5 noyabr 2015-ci ildə Sabunçu Rayon Polis İdarəsinin qarşısında keçirilən aksiyadan sonra saxlanılıb və 15 gün müddətinə inzibati həbs olunub. Daha sonra Sabunçu Rayon prokurorunun protesti əsasında Bakı Apellyasiya Məhkəməsinin qərarı ilə Sabunçu Rayon Məhkəməsinin qərarı ləğv olunaraq, onun əməllərində cinayət tərkibinin olub-olmamasını müəyyənləşdirmək məqsədi ilə iş Sabunçu Rayon Prokurorluğuna göndərilib.

İttihama görə,  E.İsgəndərov axtarışda olduğundan 15 mart 2017-ci ildə polis əməkdaşları tərəfindən həbs olunub və barəsində həbs-qətimkan tədbiri seçilib.

Qeyd edək ki, Nardaran qəsəbəsindəki əməliyyat zamanı qarşıdurma Ə.bünyatovun evində baş verib.