Cəbhəyanı rayonlarda ağlasığmaz korrupsiya - Əhalinin təxliyyə pulları "yeyilib"

Sonxeber.az xəbər verir ki, Yenicag.az-a adının açıqlanmasını istəməyən bir neçə icra nümayəndəsinin verdiyi məlumata görə, aprel döyüşləri zamanı insanların cəbhə xəttinə yaxın kəndlərdən təxliyyəsi üçün hər ailə başına 50 manat dövlət tərəfindən pul ayrılıbmış. Bu məbləğin ayrılmasında məqsəd vətəndaşların kəndlərdən çıxarılması zamanı avtomobilə yanacağın alınması və yaxud taksilərdən istifadə olunarsa, onlara ödənilməsi olub.

Döyüşlər bitdikdən sonra isə icra nümayəndələrinə bildirilib ki, ayrılmış pullar yenidən dövlət büdcəsinə göndərilib. Həmin günlər ərzində vətəndaşların evlərinə dəfələrlə gedib-gəlməsini nəzərə aldıqda, bu pula ehtiyaclarının olduğu gün kimi ortadadır. Dövlət tərəfindən ayrılmış pulun vətəndaşlara verilməməsi və sonradan guya dövlət büdcəsinə qaytarılması fikri inandırıcı görsənmir. İcra nümayəndləri bildirir ki, həmin pullar icra başçıları tərəfindən mənimsənilib.
Digər maraqlı bir fakt isə xarici təşkilatların döyüşlər zamanı oyuna gətirilməsi olub. Əldə etdiyimiz məlumata görə, bir neçə xarici təşkilat kəndlərindən təxliyyə edilmiş şəxslərin yerləşdirilməsi üçün icra hakimiyyətlərinə çadırlar verib. Ancaq həmin çadırlar heç bir yerdə qurulmayıb. Çadırların satıldığı deyilir.
Məsələ ilə bağlı geniş araşdırmanı sizə təqdim edəcəyik.

www.anews.az