Cəlilabadda dəhşətli zorlamanın TƏFƏRRÜATI

Oxu.Az-ın məlumatına görə, ana və qızını qətlə yetirdiyi ehtimal olunan "Cıkma” ləqəbli Yaşarla ailənin mərhum oğlu Oktay Əsgərov arasında əvəllər mübahisə olub və Yaşar onu bıçaqlayaraq yaralayıb.

Yaşar Oktayın şikayəti ilə tutularaq, azadlıqdan məhrum edilib. "Cıkma” həbsdən çıxdıqdan sonra Oktayı öldürəcəyini bildirib. Amma onun azadlığa çıxdığı vaxt Oktay vərəm xəstəliyindən vəfat edib.

Yaşar Bayramov bir neçə gün əvvəl Firuzənin evinə gələrək onunla mübahisə edib. Yaşar Firuzənin qızı Sənubər Əsgərovaya təcavüz edib, daha sonra isə onu yaylıqla boğaraq öldürüb. F.Əsgərovanın isə evin arxasında başını kəsib və tövləyə qədər sürüyərək aparıb. 

Qeyd olunur ki, "Cıkma” bundan əvvəl iki dəfə azadlıqdan məhrum edilib. 10 il əvvəl öz nənəsinin evindən oğurluq edib və həbs olunub. Daha sonra Oktayı bıçaqladığı üçün tutulub. Bir il əvvəl isə icbari işlə həbsdən buraxılıb.

Firuzə Əsgərova Ağahüseyn Əsgərovun ikinci həyat yoldaşıdır. Onların üç uşağı var. Niyaz 10 il, Oktay bir il əvvəl, 2017-ci ildə vərəmdən vəfat ediblər.