Qanunsuz ov edən şəxs saxlanıldı

Qızılağac Milli Parkının ərazisində ova cəhd edən şəxs saxlanılıb.

Ekologiya və Təbii Sərvətlər Nazirliyinin mətbuat xidmətindən Anews.az-a verilən məlumata görə, araşdırma zamanı brakonyerin Masallı rayon sakini Əlikram İsmiyev olduğu müəyyən edilib.

Ondan ov silahı götürülüb.

Faktla bağlı Ə.İsmiyev barəsində akt, protokol tərtib olunub və o, 1000 manat məbləğində cərimə edilib.