Azərbaycanda ailə faciəsi - Əvvəl qız, sonra 28 yaşlı qardaşı öldü

4 gün əvvəl Kürdəmir şəhərində baş vermiş ağır yol qəzasında ölən 28 yaşlı Valeh Zərbəliyevlə bağlı bəzi məqamlar aydınlaşıb.

Anews.az "publika.az”a istinadən xəbər verir ki, rayonun mərkəzindəki Heydər Əliyev prospektində saat 21 radələrində "Mercedes” markalı avtomobilin vurub əks zolaqda hərəkət edən "Kia”nın altına atdığı və hadisə yerində ölən 1991-ci il təvəllüdlü Zərbəliyev Valeh Ağəli oğlunun bacısı bir müddət əvvəl vəfat edibmiş.

Belə ki, gənc oğlanın bacısı yaşadığı mənzildə dəm qazından boğularaq ölübmüş.

Həmin hadisənin təsirindən çıxmamış ailənin digər övladı – 28 yaşlı Valeh faciəvi şəkildə vəfat edib.

Ağır yol qəzası ilə bağlı Kürdəmir rayon Polis Şöbəsində cinayət işi açılıb, araşdırmalar davam etdirilir.