Aprel savaşının qazisi məmurlara qarşı üsyan etdi - FOTO

Lakin bir sıra hallarda dövlət başçısının bu cür çevik sosial müdafiə siyasəti ilə ayaqlaşa bilməyən yerli məmurlar "Aprel savaşı”nın qəhrəman iştirakçılarını diqqətdən kənarda qoyurlar. Belə qəhrəmanlardan biri də keçmiş xüsusi təyinatlı Fərid Qasımovdur. İki ildir ki, ordu sıralarından ehtiyata buraxıldığını Dialoq.info-ya bildirən aprel qazisi həyatında yaranmış çətinliklərdən, dolanışıq şəraitinin ağırlığından narazılıq edib: "Aprel qaziləri siyahısında 17-ci yerdəyəm. Bu işlərə baxan dövlət orqanları bunları görürmü-görmürmü bilmirəm? Amma həmin dövlət orqanları bunları həm görməlidir, həm də bilməlidir. Çünki yeni bir tarix yazılıbsa, o tarix həm də bizim qanımızla, canımızla yazılıb. Biz Vətənə, millətə haqqımızı halal edirik. Əgər yeni bir müharibə başlasa yenə də ön cərgədə duracaq, döyüşəcək, buraxdığımız yerdən davam edib tarixə yenidən adımızı yazacağıq”.
Daha sonra F.Qasımov onun hazırkı sosial şəraitinə biganə yanaşan məmurlara üzünü tutaraq soruşub: "Bəs bizim indiki həyatımız, durumumuz? Axı bizlər yiyəsiz deyilik, bizim də arxamızda dövlət durub. Cənab Prezident daim bizə dəstək olub və məmurlara da tapşırıq verib ki, bu qrupdan olan insanlar diqqətsiz qalmasınlar. Niyə məmurlar Prezidentin tapşırığına əməl etmir, niyə bizə qarşı belə soyuq davranırlar?”
Aprel qazisi iki ildir ki, Sumqayıt şəhərində kirayə mənzildə çətin şəraitdə yaşadığını söyləyib: "Aldığım 520 manatın 250 manatını kirayəyə, digər bir hissəsini kommunal xərclərə verirəm. İndi mən hara üz tutmalıyam ki, mənə yardım etsinlər? Axı biz can qoymuşuq, tarix yazmışıq, bəziləri kimi şou göstərməmişik. Şəhid olmayıb sağ qaldımsa bu mənim günahım deyil Allahın qismətidir. Bizim də taleyimizdə Qazi olmaq varıymış. İnanıramkı tezliklə bizim haqlı çağrışlarımıza cavab veriləcək və biz də haqq etdiyimiz həyatı yaşayacağıq. Hər kəs məni tanıyır və bilir ki, mən kimsəyə əyilmərəm və bütün qazi qardaşlarım kimi haqqımı istəyirəm. Allah Vətənimizi, millətimizi qorusun”.

www.anews.az