“Bacanağım qızıma pulla cinsi əlaqədə olmaq təklifi etdi, arvadıma sataşdı” - Abşeronda qətlin TƏFƏRRÜATI

Qeyd edək ki, hadisə Abşeron rayonu Saray qəsəbəsi, "Badamlılıq" yaşayış massivində baş verib. Həmin ərazidə yaşayan Ş.Qasımov bacanağı M.Abbasovu bıçaqlayıb. Yaralı xəstəxanaya çatdırılsa da, onun həyatını xilas etmək mümkün olmayıb. M.Abbasov xəstəxanada ölüb.

Şahin Qasımov məhkəmədə peşman olmadığını söyləyib. Qasımov bacanağını namus üstündə öldürdüyünü deyib. O, bildirib ki, qızı ailə həyatı qursa da, sonradan boşanıb və onunla birgə yaşayıb: "Bacanağım Müşfiq Abbasov bizə gəlmişdi. Birlikdə yeyib-içəndən sonra qızıma sataşdı. Hətta arvadıma da söz deyirdi. Buna görə onu vurmuşam. Əməlimdən peşman deyiləm. Müşfiqin bu binamus hərəkətlərindən xəbərsiz idim. Müşfiq qızıma pulla cinsi əlaqəyə girməyi də təklif edib. Yaxşı ki, elə qeyrətsiz adamı öldürmüşəm".



www.anews.az