Ağdaşda 24 yaşlı hamilə qadın özünü çaya atdı

Ağdaşda 24 yaşlı hamilə qadın özünü çaya ataraq intihar edib.

Oxu.Az-ın bölgə müxbirinin verdiyi məlumata görə, hadisə ötən gecə 3 radələrində baş verib. 

Rayon sakini, 1995-ci il təvəllüdlü İsmayılova Səidə Ağaməmməd qızı özünü Nehrəxəlil kəndi ərazisindən keçən Türyançay çayına atıb. 

Yeddi aylıq hamilə qadın çayda boğularaq ölüb. 

Meyit sudan çıxarılaraq, Məhkəmə-Tibbi Ekspertiza və Patoloji Anatomiya Birliyinin Ağdaş rayon şöbəsinə aparılıb. 

Faktla bağlı Ağdaş rayon Prokurorluğunda araşdırma aparılır.