Bakıda güclü yanğın - Yaralanalar var
28.05.2020 17:46
Bakının Xəzər rayonunda yanğın baş verib.
Buta.media məlumat verir ki, ONA-nın xəbərinə görə, hadisə Zaqulba qəsəbəsində yerləşən "Zagulba Mall" ticarət mərkəzində qeydə alınıb.
Bildirilir ki, yanğın ticarət mərkəzinin zirzəmisindəki tikiş sexindən başlayıb. Hazırda da yanğın davam edir.
Əraziyə Fövqəladə Hallar Nazirliyinin yanğınsöndürən maşınları və canlı qüvvəsi cəlb olunub, yanğının genişlənməsinin qarşısının alınması istiqamətində işlər görülür.
Ehtimal olunur ki, yanğın qısaqapanmadan qaynaqlanıb. Hazırda binada tüstülənmə müşahidə edilir. Binada olan insanlar təxliyə edilib.
Yanğınsöndürmə və digər təxirəsalınmaz tədbirlərin həyata keçirilməsi işləri davam etdirilir.
Baş vermiş yanğınla əlaqədar hadisə yerinə 7 təcili tibbi yardım briqadası cəlb edilib.
Səhiyyə Nazirliyindən verilən məlumata görə, 4 nəfər hospitalizasiya edilib.
www.anews.az
Twitter
Bizi Twitterdə izləyin
Foto
Video
