İlham Məmmədov "Veysəloğlu"dan getdi

"Veysəloğlu" Şirkətinin İctimaiyyətlə Əlaqələr şöbəsinin müdiri İlham Məmmədov vəzifəsindən ayrılıb.

"Bu gündən etibarən hər zaman sevərək və məsuliyyətimlə adını daşıdığım "Veysəloğlu” Şirkətlər Qrupundan ayrıldım. Çox şadam ki, ölkəmizdə minlərlə insanın çalışdığı və ailəsini dolandırdığı, özünün korporativ dəyərləri olan belə bir şirkət var. Qida sektorunda, əsasən də idxal və dağıtım, istehsal və pərakəndə sahəsində daim inkişaf edərək ölkə iqtisadiyyatına töhfəsini verən, cəmiyyətin bütün sahələrində daim insanların yanında olmağa çalışan bir komandaya malik Veysəloğlu şirkətində çalışmaqdan məmnun oldum. 

Fəaliyyət dönəmində əsas məqsədim "Veysəloğlu”nun ictimaiyyətdə müsbət korporativ imicinin yaradılması, işgüzar nüfuzunun qorunması və daim cəmiyyətin bütün sahələrində şirkətin tanınması və sevilməsi olub.