Üzərində Rəsulzadənin şəkli olan avro xəbəri təsdiqləndi - Şirkətdən rəsmi açıqlama

Bu günlərdə üzərində Azərbaycan Xalq Cümhuriyyətinin banisı Məhəmməd Əmin Rəsulzadənin və Bakı fatehi Nuru Paşanın şəkilləri əks olunmuş avro əskinasları cəmiyyətdə maraqla qarşılanıb. 

Daha sonra mətbuatda Avropa Mərkəzi Bankına istinadla yazılmış bir məlumatda xəbər təkzib edilib.

Anews.az məsələ ilə bağlı layihənin rəhbəri türkiyəli kolleksiyonçu Özgür Honça ilə əlaqə saxlayıb.



Kolleksiyonçu bildirib ki, pulları Avropa Mərkəzi Bankı çap etmir, onların özəl mətbəələri var və biz o mətbəələrlə müqavilə ilə işləyirik.

Onun sözlərinə görə, mətbəə Avropa Mərkəzi Bankına aiddir və real 100 avroluq əskinaslar da hazırlayır.

"Avropa Mərkəzi Bankı pul çap etmir, pullar Avropa Mərkəzi Bankına aid olan, Fransada fəaliiyət göstərən "EBM Euro banknote memory" mətbəəsinə bağlı "Obertur" mətbəəsində çap olunub. Hansı ki, bu mətbəədə 100 avropluq əskinaslar  çap olunur” – deyə o, bildirib.

Özgün Honça əlavə edib ki, bu əskinaslar simvolikdir və Türkiyə - Azərbaycan qardaşlığını özündə ehtiva edir, indi bu məsələnin başqa rəng alması, bizi çox incidir.

Özgür Honça ilə yanaşı, əskinasları çap edən "0 Euro Banknotes” şirkətinin təmsilçisi İbrahim Gölgəli ilə də danışdıq.

Gölgəli dedi ki, biz 0 avroların basılması ilə bağlı Avropa Mərkəzi Bankından səlahiyyət almışıq, müqaviləyə əsasən, bizim sifarişlərimiz çap edilir.

Onun sözlərinə görə, suvenir əskinasların qiymətı təxminən 5-10 avro arasında dəyişəcək və Azərbaycandan da sifariş etmək mümkün olacaq.

Kolleksiyonşçu Özgür Honça Anews.az-a əskinasların çapı ilə bağlı Avropa Mərkəzi Bankının icazə sənədini və müqavilə sənədlərinin şəkillərini göndərib.








www.anews.az