Azərbaycanlıdan oğurlanan saat saxta çıxdı
28.06.2019 17:46
İbiza şəhərində azərbaycanlıdan oğurlanmış saat orijinal yox, onun 1200 dollar dəyərində nüsxəsi olub.
"Onlar orijinalı yox, onun oxşarını oğurlayıblar" deyən mənbə əlavə edib ki, hadisədən dərhal sonra zərərçəkən bu barədə polisə məlumat verib.
Söhbət "Richard Mille Tourbillon F1 McLaren RM 50-03 / 01” markalı saatın, necə deyərlər, dublikatından gedir.
Xatırladaq ki, hadisə iyunun 19-da baş verib. Azərbaycandan olan iki gənc turist-22 yaşlı zəngin birisi və dostu İspaniyanın İbiza adasının Paseo-de-Joan Karles rayonunda, sahildə gəzərkən saat 16.30 radələrində hücuma məruz qalıblar. Təxminən 30 yaşlarında olan bir şəxs qəfildən onlardan birinə hücum edərək bir neçə dəfə itələyib, azərbaycanlı zəngin gənc qolundan və əlindən xəsarət alıb. Hücum edən şəxs onun guya 1,5 milyon avro dəyəri olan saatını götürərək qaçıb.
"Richard Mille 50-03 MCLaren F1” markalı saatdan dünyada cəmi 75 ədəd istehsal olunub. O, dünyada ən yüngül saatdır, ağırlığı cəmi 40 qramdır. Bu cür aşağı çəkini almaq üçün saatın hazırlanmasında titandan və TRT adlı mineraldan-poladdan 200 dəfə möhkəm olan nanomaterialdan istifadə olunur.
www.anews.az
Twitter
Bizi Twitterdə izləyin
Oxşar xəbərlər
Oxşar xəbərlər
Cəmiyyət 17:19
Azərbaycanda 7 yaş və daha yuxarı şagirdlər üçün “mygov” platformasında ayrıca fərdi hesabların yaradılması nəzərdə tutulur
Foto
Video
