“Fənərbaxça” İran yığmasının futbolçusu ilə müqavilə bağlayıb

Türkiyənin "Fənərbaxça” klubu iranlı futbolçu transfer edib.

APA-nın məlumatına görə, İstanbul təmsilçisi Allahyar Sayyadmaneşlə 5 illik müqavilə bağlayıb.
Türkiyəlilər 18 yaşlı hücumçu üçün "İstiqlal” klubuna 850 min avro ödəyib. İran təmsilçisinin heyətində cari mövsüm 15 oyunda 2 qol vuran forvard 2 məhsuldar ötürmə verib.

Qeyd edək ki, İranın U-17 və U-23 yığmalarında oynamış futbolçu bu il əsas millidə də debüt edib.

www.anews.az