8 nəfəri öldürən sürücü neçə il cəza alacaq? - Hüquqşünas

Masallı rayonu ərazisində baş verən qəzada qeyri-qanuni sərnişindaşıma fəaliyyəti ilə məşğul olan və 8 nəfərin ölümünə, 2 nəfərin yaralanmasına səbəb olan 99 LH 458 dövlət qeydiyyat nişanlı "Mersedes" markalı avtomobilin sürücü 10 il müddətində həbs cəzası ala bilər.

Bu sözləri Axar.az-a açıqlamasında hüquqşünas Səməd Vəkilov deyib. O bildirib ki, sürücü Cinayət Məcəlləsinin 263.3 maddəsinə əsasən həbs ediləcək:

"Ehtiyatsızlıqdan iki və daha çox şəxsin ölümünə səbəb olduqda sürücü Cinayət Məcəlləsinin 263.3 maddəsinə əsasən beş ilədək müddətə nəqliyyat vasitələrini idarə etmək hüququndan məhrum edilməklə beş ildən on ilədək müddətə azadlıqdan məhrum etmə ilə cəzalandırılır”.

Qeyd edək ki, bu gün Ələt-Astara yolunun 135-ci kilometrliyində "Mersedes Vito” markalı mikroavtobus eyni istiqamətdə hərəkətdə olan "Kamaz” markalı yük maşınına çırpılıb. Hadisə nəticəsində səkkiz nəfər ölüb.

www.anews.az