Bakı Şəhər İcra Hakimi 5 il müddətinə həbs oluna bilər – Vəkildən açıqlama

Anews.az bildirir ki, bu barədə Bizimyol.info-ya açıqlamasında vəkil Fuad Ağayev bildirib.
Vəkil deyib ki, E.Əzizov sələfi Hacıbala Abutalov kimi dövlət adına çıxarılan qərarları icra etməkdən imtina edir: "7-8 il öncə çıxarılan məhkmə qərarları icra olunmur. E.Əzizov sələfindən fərqli olmadığını, yəni yüksək iş qabiliyyətli olmadığını, qanunların icra edilməsinə diqqətli yanaşmadığını göstərir”.

Cinayət Məcəlləsinin 306.2-ci maddəsinə əsasən eyni əməllər vəzifəli şəxs tərəfindən törədildikdə üç ilədək müddətə müəyyən vəzifə tutma və ya müəyyən fəaliyyətlə məşğul olma hüququndan məhrum edilməklə və ya edilməməklə beş min manatdan yeddi min manatadək miqdarda cərimə və ya iki ilədək müddətə islah işləri və ya üç ildən beş ilədək müddətə azadlığın məhdudlaşdırılması və ya üç ilədək müddətə azadlığın məhdudlaşdırılması və ya üç ildən beş ilədək müddətə azadlıqdan məhrumetmə ilə cəzalandırılır.

www.anews.az