Ermənini tutanlardan biri danışdı

"Günorta səs yayıldı ki, kəndə erməni girib. Hadisə yerinə getdim. Cavan erməni dığası idi. Ayağında idman ayaqqabısı vardı. Üstü-başı tər-təmiz, idmançı görünüşlü oğlan idi. Mülki şəxsə oxşamırdı. Biz onu tutub kəndin mərkəzinə gətirəndə cəbhədə mina partladı. Çox güman ki, həmin erməni tək olmayıb". 

Bunu Teleqraf.com-a açıqlamasında  Ağbulaq kənd tam orta məktəbinin direktoru  Zeynalov Nürəddin Hüseyn oğlu bildirib.  Qeyd edək ki, bu gün Tovuz rayonunun Ağbulaq kəndində yerli sakinlər 1965-ci il təvəllüdlü Ermənistan vətəndaşı Petrosyan Arduş Dalen oğlunu tutaraq polisə təslim edib.  Erməni hərbi hissəyə aparılıb. Onun Azərbaycan tərəfə hansı şəraitdə keçməsi araşdırılır. Karen Petrosyan Ermənistanın Berd rayonun Çinar kənd sakinidir.     Nürəddin Zeynalov bildirib ki, ermənini ilk olaraq şagirdi, 1996-cı il təvəllüdlü Quliyev Röyal İsmixan oğlu görüb və saxlayıb: "Erməni Röyalgilin evlərinə gəlib, anasından çay istəyib. Röyalı görən kimi isə əli ilə ondan siqaretinin olub-olmadığını soruşub. Röyal əlamətlərindən onu erməniyə oxşadıb. Üstünə cumub yerə yıxıb. Erməni olduğunu etiraf edib.  Onun 30-32 yaşları olardı.  Telefonunda silah, hərbçi şəkilləri var.  Çox güman ki, kəşfiyyatçıdır"   Məktəb direktoru onu da bildirdi ki, onlar ermənini polisə vermək istəməyiblər: "Tələb etdik ki, çəkiliş gəlsin. Gözlədik gəlmədilər. Ermənini polisə verdik. Biz hazırda kəndə digər ermənilərin olub-olmadığını axtarırıq. Uşaqlar kəndin bütün künc-bucağını axtarır".