Zərdabda xəstəxananın həyətini su basdı
29.05.2020 07:26
Zərdab Rayon Mərkəzi Xəstəxanasının həyətini su basıb.
Oxu.Az xəbər verir ki, bununla bağlı sosial şəbəkədə fotolar paylaşılıb.
Məsələ ilə bağlı Zərdab Rayon İcra Hakimiyyəti ilə əlaqə saxladıq. İcra Hakimiyyətindən bildirilib ki, görüntülər ötən gün yağış yağanda lentə alınıb:
"Təəssüf ki, ötən gün yağışlı hava şəraitinə görə, Zərdab Rayon Mərkəzi Xəstəxanasının həyətində yağış suları yığılıb. Bu, bir qədər çətinlik yaratsa da, tez bir zamanda problem aradan qaldırılıb”.
Məsələ ilə bağlı Zərdab Rayon Mərkəzi Xəstəxanası ilə - 02029-6-60-40 - telefon nömrəsilə əlaqə yaratdıq.
Özünü təqdim etmək istəməyən şəxs qeyri-etik üslubda "Nə lazımdır? Sualınızı verin!” desə də, o, sualımıza cavab verməkdən imtina edib. Yaranmış vəziyyətlə bağlı onun cavabı sadəcə, bu olub: "Xəstəxananın həyətini su basmayıb, olubsa da, artıq keçib gedib”.
www.anews.az
Twitter
Bizi Twitterdə izləyin
Foto
Video
