Kəramət Böyükçöl sərbəst buraxıldı

Dünən qonşuların şikayəti əsasında kirayədə qaldığı mənzildə saxlanılıb 28-ci Polis bölməsinə aparılan gənc yazar Kəramət Böyükçöl az öncə sərbəst buraxılıb.

Anews.az xəbər verir ki, bu barədə xəbəri yazarın atası, şair-publisist Qəşəm Nəcəfzadə bildirib.

Avqustun 18-də gənc yazar Kəramət Böyükçöl hüquq-mühafizə orqanları tərəfindən saxlanılıb. Daxili İşlər Nazirliyinin mətbuat xidmətindən verilən açıqlamada Kəramət Böyükçölün qonşularının və kirayədə qaldığı mənzilin sahibinin şikayətləri əsasında saxlanıldığını bildirib.

"Onun kirayədə yaşadığı binanın sakinləri və mənzilin sahibi ərazi üzrə Polis bölməsinə müraciət edərək, iki gündür həmin mənzildən səs-küy gəldiyini və bu halın qonşuları ciddi narahat etdiyini bildiriblər".