İtkin düşdüyü deyilən daha bir hərbçimizin şəhid olduğu müəyyənləşdi - FOTO

Vətən müharibəsində itkin düşən kapitan Elnur Cəbrayılovun şəhid olduğu müəyyənləşib.

Anews.az xəbər verir ki, bu barədə "qafqazinfo"ya şəhidimizin yaxınları məlumat verib.

Uzun müddət axtarışdan sonra şəhidimizin nəşi tapılıb.  Nəşin şəhid zabitimizə məxsus olduğu DNK analizi ilə təsdiqlənib. Şəhidimiz sabah Göygöldə torpağa tapşırılacaq.

Qeyd edək ki, ailəsi Elnur Cəbrayılovla sonuncu dəfə oktyabrın 12-də əlaqə saxlaya bilib. Bir gün sonra isə kapitan Cəbrayılov Füzulinin Aşağı Əbdürrəhmanlı kəndi istiqamətində döyüşə girib.