“Azəriqaz”ın baş direktorundan Xırdalandakı partlayışla bağlı AÇIQLAMA

"Xırdalanda ötən gün baş verən partlaşın qaz sızmasından və ya balon qazından olması araşdırılır”.

Bunu "Azəriqaz” İstehsalat Birliyinin baş direktoru Ruslan Əliyev bildirib.

O qeyd edib ki, Nazirlər Kabinetinin qərarına görə, yeraltı qaz sızmaları və digər məsələlər "Azəriqaz” İB-nin səlahiyyətindədir: "Biz ancaq yeraltı qaz kəmərləri və sayğaca qədər olan kəmərlərin istismarı ilə bağlı altı aydan bir yoxlamalar aparırıq.

Xırdalanda isə heç bir yeraltı qaz kəməri yerləşmir. Orada həyət evində partlayış olub. Partlayışın qaz sızmasından və ya balon qazından olmasını müvafiq qurumlar araşdırırlar”.