Deputat icbari tibbi sığortanın fəaliyyətini tənqid etdi

 "Əgər maaşımızdan icbari tibbi sığorta üçün faiz ödənilirsə, pullu müalicə almaq prosesi doğru deyil"

 

 Bunu sözləri deputat Fazil Mustafa Milli Məclisin bu gün keçirilən plenar iclasında çıxışı zamanı deyib. 

 

"Aprelin 1-dən icbari tibbi sığorta artıq respublika üzrə tətbiq edilir. Lakin əhali arasında böyük çaşqınlıq yaranıb. İnsanların təyinat olaraq harada müalicə olunacağı məlum deyil.Əgər hazırlıq yetərli səviyyədə deyilsə, niyə bunu formal tətbiq edirdik? Yanvar ayından icbari tibbi sığorta üçün vəsait çıxılır. Amma hələ bunun tətbiqində problemlər var. Bu qərar qəbulolunubsa əlavə bəhanələr olmamalıdır" - deyə deputat bildirib.