Vətən müharibəsinin şəhidi Ağdaşda dəfn olunub - FOTO

Vətən müharibəsində itkin düşən hərbi qulluqçu Məsimov Əkbər Yunis oğlu dəfn olunub.

Dəfn mərasimində Ağdaş Rayon İcra Hakimiyyətinin, hüquq mühafizə orqanlarının və rayon ictimaiyyətinin nümayəndələri iştirak ediblər.

”Report”un Yuxarı Şirvan bürosu xəbər verir ki, Ə.Məsimovun nəşi günün ikinci yarısında Ağdaş rayonunun Qaradeyin kənd qəbiristanlığında torpağa tapşırılacaq.

Qeyd edək ki, Ə.Məsimov 1994-cü ilin oktyabr ayının 5-də Ağdaş rayonunun Qaradeyin kəndində anadan olub. Azərbaycan Ordusunda müddətdən artıq həqiqi hərbi xidmət hərbi qulluqçusu kimi xidmət etmiş şəhidimiz Vətən müharibəsinin ilk günlərində Murovdağ istiqamətində gedən döyüşlərdə itkin düşmüşdü.

Ə.Məsimov subay idi.