Kanada heç vaxt ABŞ-nin 51-ci ştatı olmayacaq - Trüdo

Kanadanın Baş naziri Castin Trüdo ölkəsinin heç vaxt ABŞ-nin 51-ci ştatı kimi tərkibinə daxil olmayacağını bəyan edib.Bu barədə o, Brüsseldə jurnalistlərə bildirib.

“Tam aydın danışmaq istəyirəm: Kanada heç vaxt 51-ci ştat olmayacaq. Bu heç vaxt baş verməyəcək”, – o söyləyib.

Kanada Baş naziri qeyd edib ki, Ottava Trampın bu cür bəyanatlarına çox ciddi yanaşır.

Fevralın 9-da Tramp Kanadanı “yaşamaq qabiliyyəti olmayan ölkə” adlandırıb və müdafiə xərclərinin yetərincə olmadığını bildirərək yenidən onun 51-ci Amerika ştatı olmasını təklif edib.