Səyyar satışların təşkilində məqsəd gəlir artırmaq deyil

Səyyar satışların təşkilində məqsəd gəlir artırmaq deyil, bu sadəcə sosial lahiyədir. 

Bunu anews.az-a açıqlamasında "Aqroservis” ASC-nin ictimaiyyətlə əlaqələr şöbəsinin müdiri Aytəkin Məmmədova bildirib. 

"Səyyar satışın həyata keçirilməsində əsas məqsəd gübrələrin alışı zamanı vətəndaşların sərf etdikləri zaman, məsafə itkisinin və əlavə məsrəflərin qarşının alınması, həmçinin vətəndaşlara cəmiyyətin əlçatanlığını, yaxınlığını təmin edərək vətəndaş məmnuniyyətinə nail olmaqdır. Səyyar satış vasitəsilə vətəndaşların mineral gübrələri asanlıqla əldə etməsi əkinə cəlb edilən bütün torpaqlarda gübrələrdən istifadə edilməsinə şərait yaradır və bu da məhsuldarlığın artmasına öz müsbət təsirini göstərir. Səyyar satış zamanı artıq heç bir sənədin təqdim edilməsinə ehtiyac yoxdur. Mineral gübrələri şəxsiyyət vəsiqəsi və "Fermer kartı” vasitəsi ilə asanlıqla əldə etmək mümkündür. Gübrənin dəyərinin 70%-i fermerin fermer kartında olan məbləğdən, 30%-i isə fermerin öz vəsaiti hesabına ödənilir. Ödəniş pos-terminal və səyyar bank terminalları vasitəsilə ilə yerindəcə, uzaq məsafə qət etmədən yerinə yetirilir".

"Aqroservis” ASC tərəfindən mineral gübrələrin səyyar satışları 2019-ci il fevral ayında etibarən təşkil edilir.

www.anews.az