"Standard Insurance”in baş ofisinin satışına dair 4-cü hərrac keçiriləcək

Avqustun 24-də, saat 11:00-da ləğv prosesində olan "Standard Insurance” Sığorta Şirkəti ASC-nin baş ofisinin satışına dair 4-cü hərrac keçiriləcək.

Bu barədə qurumun Ləğvetmə Komissiyasından bildirilib.

Məlumata görə, "Əmlak Hərrac Mərkəzi" MMC-nin təşkil edəcəyi hərrac Bakı şəhəri, Yasamal rayonu, Məmməd Rahim küçəsi, 4A ünvanında olacaq və paytaxtın Nəsimi rayonunun Şəmsi Bədəlbəyli küçəsində 4 mənzilin birləşdirilməsi ilə yaradılmış 359 kvm-lik ofis alıcılara təklif ediləcək.

Əmlak üçün 1,75 milyon manat qiymət müəyyən olunub. Bu məbləğin 1%-i, yəni 17 500 manat beh kimi ödənilməlidir.

Hərracla bağlı daha ətraflı məlumatları isə aşağıdakı linkdən əldə etmək mümkündür: