Jurnalisti şantaja görə öldürən şəxsdən XƏBƏR VAR

Gəncə Ağır Cinayətlər Məhkəməsində Şəmkirdə qətl törətməkdə təqsirləndirilən Vasif Aslanovun cinayət işi üzrə məhkəmə iclası başa çatıb.

Hakim Xəqani Səmədovun sədrliyi ilə keçirilən prosesdə hökm oxunub.

Hökmə əsasən, o, 11 il müddətinə azadlıqdan məhrum edilib.

Hadisə bu ilin yanvar ayının 21-də rayonun Qədim Qala kəndində baş verib.

Kənd sakini, 1985-ci il təvəllüdlü Bəxtiyar Alıyev dayısı oğlu Vasif Aslanov tərəfindən odlu silahla qətlə yetirilib.

İttihama görə, hadisədən bir neçə gün əvvəl Bəxtiyar Alıyev Vasif Aslanovu şantaj edib. Bibisi oğlunun bu əməlindən bezən Vasif Aslanov Bəxtiyar Alıyevi odlu silahla öldürüb.

Şəmkir Rayon Polis Şöbəsi əməkdaşları tərəfindən saxlanılan Vasif Aslanovdan lüləyi kəsilmiş tüfəng götürülüb.

 

Bəxtiyar Alıyev bölgədə fəaliyyət göstərən qəzetlərdən birinin redaktoru və təsisçisi olub.