Azərbaycanda boşanmaların sayı son 1 ildə 17% artıb - RƏSMİ

Azərbaycanda boşanma halları 2021-ci ilin yanvar-avqustunda ötən ilin eyni dövrü ilə müqayisədə 9.692-dən 11.313-ə kimi artıb. Bu barədə
Əksər ölkələrdə boşanma üçün Məhkəmə və ya digər rəsmi orqanın qərarı tələb olunur. Bizim ölkədə isə məhkəmə qaydasında nikahın pozulması  Azərbaycan Respublikasının Ailə Məcəlləsinin tələbləri əsasında həyata keçirilir.
    
Müsahibimiz Sevinc Məmmədovanın  25 yaşı var. Amma o artıq uğursuz ailə həyatı qurmağın acısını dadıb. Sevinc Məmmədova deyir ki,  sabiq həyat yoldaşı ilə sevgi əsasında ailə qurublar. Lakin, bir müddətdən  sonra ərinin ailəsinə diqqət göstərmədiyini, yad bir qadınla münasibətdə olduğunu bilib və boşanmağa qərar verib.
 
Sosioloq  Sahib  Altay  nikahın pozulmasını reallaşdıran səbəblərin çox olduğunu əsas götürərək adamların əksər hallarda primitiv səbəblərdən boşandığını deyir.
 
"Toplumsal dəyərlər dəyişdikcə ailəni qoruyan və onun kökündə dayanan amillər də zəifləməyə başlayır, dəyərlər başqa istiqamətdə inkşaf edir. Buna da bir sıra amillər təsir göstərir. İndiki dövrdə insanların bir-birinə qarşı çox səbrsiz davranmaları, tərəflər arasında anlaşılmazlıq, qadınların öz hüquqlarını tələb etməsi, sosial rifahın aşağı səviyyədə olması bir sıra problemlərə yol açır və boşanmalara səbəb olur.  Bu vəziyyətin  kütləvi hal alması bir sıra neqativliklərə gətirib çıxarır”.
 
 
"Son beş ildə boşanma ilə  bağlı tendensiyaların artması artıq zəmin yaradır ki, SOS siqnalı işə düşsün. Həm müxtəlif dövlət qurumları, həm də QHT-lər hər yerdə bununla bağlı narahatlıqlarını ifadə edirlər. Buna görə də QHT-lərə dəstək mərkəzlərinin yaradılmasına çox böyük ehtiyac var. Bütün rayonlarda ailələr üçün də bu cür dəstək mərkəzlərinin yaradılmasını zəruri hesab edirəm. Ailələrə psixoloji dəstək, habelə, pulsuz olunan yardımlarla bağlı məsələlər  də müzakirə olunmalıdır. Bizə müraciət edən əksər xanımlar məhz zorakılığa məruz qalanlardır. "Təmiz Dünya” Qadınlara Yardım İctimai Birliyi olaraq bizə müraciət edən tərəflərə, ailənin digər üzvlərinə psixoloji dəstək göstəririk, eyni zamanda yerli icra hakimiyyətlərindən həmin ailələrin problemləri ilə maraqlanmalarını da xahiş edirik”- deyə Zeynalova bildirdi.  
  
Fidan Salmanova