Bu il həbsdən çıxan neçə şəxsə 1000 manat pul verilib? - RƏSMİ
28.10.2021 11:14
2021-ci ilin yanvar-oktyabrında cəza çəkmə müddəti bitdiyi üçün həbsdən azad edilmiş və sosial adaptasiyaya ehtiyacı olan 4584 nəfərə birdəfəlik 1000 manat müavinat verilib, bunu anews.az-ın sorğusuna cavab olaraq Əmək və Əhalinin Sosial Müdafiə Nazirliyindən bildirilib.
2021-ci ilin yanvar-avqustunda 179 nəfər cəzaçəkmə müəssisəsindən azad edilən şəxslər işlə təmin olunub. Penitensiar müəssisələrdə cəza çəkməkdən azad edilmiş şəxslərin özünüməşğulluq proqramında iştirakına şərait yaradılır.
Ötən il də bu kateqoriyadan olan və özünüməşğulluq fəaliyyətini qurmaq üçün müraciət edən bir qrup şəxs özünüməşğulluq proqramına cəlb edilib və verilmiş aktivlər hesabına kiçik ailə təsərrüfatlarını qurublar.
Həmin şəxslər məşğulluq orqanları tərəfindən ödənişli işlər proqramına və ya peşə hazırlığı kurslarına da cəlb edilir.
"Penitensiar müəssisələrdə cəza çəkməkdən azad edilmiş şəxslərin sosial adaptasiyası haqqında” Qanuna əsasən cəza çəkməkdən azad edilmiş və sosial adaptasiyaya ehtiyacı olan şəxslərin sosial adaptasiya müddətində (1 il) minimum aylıq əməkhaqqının dörd misli məbləğində birdəfəlik pul müavinəti almaq hüququ vardır.
Məşğulluq haqqında qanunvericiliyə əsasən cəzaçəkmə yerlərindən azad edilmiş şəxslər sosial müdafiəyə xüsusi ehtiyacı olan və işə düzəlməkdə çətinlik çəkən şəxslər kateqoriyasına aiddir və həmin şəxslər məşğulluq tədbirlərinin icrası zamanı üstün hüquqa malikdirlər.
Gülnar Nazimqızı
Youtube
Bizi Youtube-da izləyin
Oxşar xəbərlər
Oxşar xəbərlər
Son xəbərlər 
Daha çox 
Foto
Video
