“Bəzi işlər layihədə nəzərdə tutulmamışdı, amma görülməli idi”

"Qafqazinfo” xəbər verir ki, iclasda təqsirləndirilən Bünyamin İsmayılov jurnalistlər binasının tikintisi ilə bağlı dövlət ittihamçısının suallarını cavablandırıb. O bildirib ki, layihədə göstərilənlərlə görülən işlər arasında hər hansı fərq olanda rəhbərliyə məruzə edib.
Daha sonra B.İsmayılovun vəkili Vüqar Səfərliyə sual verərək ondan binaların tikintisi zamanı parketlərin əvəzinə laminatdan istifadə edilməsi barədə soruşub.

V. Səfərli bildirib ki, onun bu məsələdən sonradan xəbəri olub: "Sənəddə əvvəl laminat yazılmışdı. Mən sonradan bildim ki, parket vurulmalı imiş. Ümumiyyətlə orada bəzi işlər var idi ki, layihədə nəzərdə tutulmamışdı, amma görülməli idi”.
Prokuror sual verib ki, layihələrin ümumi dəyəri ittiham aktında 4 milyon 292 min manat göstərildiyi halda T.Tahirovun dediyi rəqəmlər nəyə görə aşağıdır. 
Proses noyabrın 10-da davam etdiriləcək.
Cinayət işi üzrə Medianın İnkişafı Agentliyi (MEDİA) zərərçəkmiş qismində tanınıb.

www.anews.az