Son 1 ildə Azərbaycan hökuməti Ermənistan silahlı qüvvələrinin ölkə ərazisinə təcavüzü nəticəsində dəymiş ziyanın aradan qaldırılmasına 113,7 milyon manat vəsait xərcləyib.
Bunu Baş Nazir, təcavüzün nəticələrinin aradan qaldırılması üzrə Dövlət Komissiyasının sədri Əli Əsədov qurumun növbəti iclasında bildirib.
"O cümlədən infrastruktur (yollar, rabitə, su, elektrik və qaz təchizatı) üzrə 27,4 milyon manat, tikinti, təmir və bərpa işlərinə 50,0 milyon manat, Gəncə şəhərində 89 ailəyə çoxmənzilli evlərin alınmasına 6,6 milyon manat, kənd təsərrüfatı üzrə 1,4 milyon manat, sahibkarların dövriyyə vəsaitləri üzrə 4,8 milyon manat, nəqliyyat vasitələri üzrə 0,6 milyon manat, 8 təhsil müəssisəsində tikinti-təmir üzrə ilkin olaraq 7,4 milyon manat və əhalinin məişət və şəxsi əşyalarına dəymiş ziyan üzrə təxminən 50 min vətəndaşımızı əhatə edən 12 370 ailəyə maddi yardımlar üzrə 15,5 milyon manat vəsait xərclənib”, - deyə o, qeyd edib.
www.anews.az
Foto
Video
