"Bu il 2 min 426 terrorçu zərərsizləşdirilib" - Hulusi Akar

2015-ci il iyulun 24-dən bu yana ölkə içində, İraqın şimalında və Suriyada ümumilikdə 32 min 901 terrorçu, bu ilin əvvəlindən isə 2 min 426 terrorçu zərərsizləşdirilib.

 

Bu barədə Türkiyənin milli müdafiə naziri Hulusi Akar deyib.

O, PKK-nın YPG-yə bərabər olmasına heç bir şübhənin qalmadığını ifadə edib:

 

"Millətimizi terror bəlasından xilas etmək əzmindəyik. Əsgərlərimiz daim terrorçularla mübarizə aparır", - deyə o, bildirib.