Bu cəzaçəkmə müəssisəsindən 14 məhkum azadlığa buraxılıb

Amnistiya aktı Penitensiar Xidmətin 16 saylı cəzaçəkmə müəssisəsindən 14 məhkuma şamil olunub və onlar azadlığa buraxılıb, bunu müəssisənin rəisi, ədliyyə polkovnik-leytenantı Şəfaət Abbasov deyib.

O bildirib ki, həmin şəxslərə Amnitsiya Aktı tətbiq edilib və cəzalarının çəkilməmiş hissəsindən azad ediliblər.

 

"Ümumilikdə bu günə qədər 186 nəfər cəzadan azad olunub. 3 il cəza alan 423 nəfərin cəzasından 6 ay azaldılacaq", - deyə o bildirib. 

Milli Məclisin noyabrın 5-də keçirilən iclasında 8 noyabr – Zəfər Günü münasibətilə amnistiya elan edilməsi haqqında qərar qəbul edilib. Amnistiya Aktı Prezident İlham Əliyevin təşəbbüsü ilə qəbul olunub.