Jurnalistlər Rövşən Əkbərovun məhkəməsinə BURAXILMADI

Qəsdən adam öldürməkdə təqsirləndirilən sabiq birlik komandiri, general-leytenant Rövşən Əkbərovun barəsində olan hökmdən verilən apellyasiya şikayəti üzrə məhkəmə prosesi keçirilir.
 
Bakı Apellyasiya Məhkəməsində hakim İlqar Murquzovun sədrliyi ilə baş tutan prosesə jurnalistlər buraxılmayıb. 
 
Məhkəmənin əsas girişində postda olan polislər jurnalistlərin məhkəmə binasına buraxılmasına icazə verməyib. Polis əməkdaşları işə baxan hakim İlqar Murquzovla əlaqə saxlasa da, hakim iclasa jurnalistlərin keçməsinə "yox" deyib. İclasın açıq keçirilməsi nəzərə alınmayıb. 
 
Məhkəmənin qaynar xəttindən bildirilib ki, müvafiq göstəriş məhkəmə rəhbərliyi tərəfindən verilib. 
 
Bakı Hərbi Məhkəməsinin hökmü ilə Rövşən Əkbərov 10 il müddətinə azadlıqdan məhrum edilib. (modern.az)

www.anews.az