Bəraətdən 3 gün sonra öldü
31.01.2022 15:28
Qardaşını öldürməkdə təqsirləndirilən və ötən ay bəraət alaraq azadlığa buraxılan Elçin Camalov 3 gün sonra səhhətində yaranan problemlər səbəbindən ölüb.
Kriminalqafqaz- xəbər verir ki, məhkəmənin qənaətinə əsasən, qardaşı Etibar Camalov onu bıçaqladıqdan sonra Elçin özünü qorumaq məqsədilə onu bıçaqla vurub.
Məhkəmə onun əməlində cinayət tərkibi olmadığını və zəruri müdafiə həddini aşmadığını qeyd etmişdi. Təqsirləndirilən şəxs barəsində seçilmiş həbs qətimkan tədbiri ləğv edilib məhkəmə zalından azadlığa buraxılıb.
Xatırladaq ki, qardaşlar arasında ölümlə nəticələnən mübahisə işıq pulunu ödəmək üstündə yaranıb.
www.anews.az
Youtube
Bizi Youtube-da izləyin
Foto
Video
