Tanınmış "qanuni oğru" Moskvada saxlanıldı – VİDEO

Ötən gün Rusiyanın paytaxtı Moskvada yerləşən "Dvoryanskoye qnezdo” restoranında Daxili İşlər Nazirliyinin Cinayət Axtarış Baş İdarəsinin əməkdaşları kriminal dairələrdə daha çox "Giya Sverdlovski” kimi tanınan 48 yaşlı "qanuni oğru" Georgi Akoyevi saxlayıblar.

Bu barədə "Prime Crime” xəbər agentliyi məlumat yayıb.

Bildirilir ki, "Giya Sverdlovski” hazırda Uralın əsas "qanuni oğru"su olduğundan, o, regional təhlükəsizlik qüvvələrinə mürəkkəb kriminal vəziyyəti nəzarətdə saxlamaq üçün lazımdır. Agentliyin sözlərinə görə, onun tutulması üzrə bütün əməliyyat sırf profilaktik xarakter daşıyıb.

Qeyd edilir ki, əslən Tbilisidən olan "Giya” "oğru" titulunu 2008-ci ildə Rusiya kriminal aləminin ən məşhur siması hesab olunan Aslan Usoyan ("Ded Xasan”) ilə münasibətləri sayəsində alıb.