• $
  • €
  • ₽
  • ₺
  • £

Əli Əliyevin məhkəməsi təxirə salındı

Əli Əliyevin məhkəməsi təxirə salındı
01.03.2022 10:57
Yasamal Rayon Məhkəməsində Vətəndaş və İnkişaf Partiyasının sədri Əli Əliyevin  şikayəti əsasında təyin olunan  məhkəmə iclası təxirə salınıb.
 
Rauf Daşdəmirovun sədrliyi ilə keçirilən prosesdə xüsusi ittihamçı, kapitan Ramin Ədilovun nümayəndəsi vəsatət qaldıraraq müdafiə etdiyi şəxsin səhhətində problem yarandığı üçün iclasda iştirak edə bilmədiyini deyib. Vəkil prosesin təxirə salınmasını xahiş edib. 
 
Məhkəmə vəsatəti təmin edib.
 
Məhkəmə prosesi aprelin 4-nə kimi təxirə salınıb.
 
Əli Əliyev 2022-ci ilin yanvarında Bakının Yasamal rayon məhkəməsində Cinayət Məcəlləsinin 147.1 maddəsi ilə-böhtanatma ittihamı ilə təqsirləndirilib.

Əli Əliyev  2021-ci ilin noyabrın 30-da baş vermiş hərbi helikopter qəzası ilə bağlı  çıxışında 14 hərbçinin ölməsinə, ikisinin yaralanmasına səbəb olan qəzadan sağ çıxmağın mümkünlüyünü şübhə altına alıb. İttihamçılar isə onun bu fikirlərini böhtan hesab edir. 

Helikopter qəzasından sağ çıxan Dövlət Sərhəd Xidmətinin polkovnik-leytenantı Emil Cəfərov və kapitan Ramin Ədilov bu fikirlərə görə, Əli Əliyevi məhkəməyə verib. İddiaçılar şikayət ərizəsində Əli Əliyevin 6 ay müddətinə azadlıqdan məhrum edilməsini istəyib.
 
Cari ilin yanvarın 13-də Yasamal rayon Məhkəməsində hakim Hüseyn Səfərovun sədrliyi ilə keçirilən prosesdə DSX-nin polkovnik-leytenantı Emil Cəfərovun şikayəti ilə bağlı qərar qəbul olunub. Qərara əsasən, Əliyev 5 ay müddətinə həbs edilib.

Əli Əliyevin öz fikirlərini ictimai şəkildə açıqlamasına görə 6 aylıq həbs edilməsi bəziləri üçün ifadə azadlığına müdaxilə olsa da, digərləri onun həbsini "şərəf-ləyaqətin müdafiəsi" kimi qiymətləndirib.
 
Onun vəkili Cavad Cavadovun fikrincə, müvəkkili bu ittihamı əsassız sayır və həbsini siyasi fəaliyyəti ilə əlaqələndirir.
 
Hüquqşünas Ələsgər Məmmədli hesab edir ki, Əli Əliyevin həbsi ifadə azadlığına "kobud müdaxilə"dir.

Onun fikrincə, helikopter qəzasının siyasi tərəfləri var və buna görə siyasi partiya rəhbərinin də istənilən hadisədə müəyyən suallar qoymaq, şübhə ilə yanaşmaq, dərindən araşdırmanı təşviq edən metodlardan istifadə etmək haqqı var.

"Bu, başqalarının şəxsi həyatına müdaxilə və ya şərəf-ləyaqətinə təhqir kimi qiymətləndirilməməlidir. Əli Əliyevin cəzalandırılması ifadə azadlığını məhdudlaşdırıb," - Ələsgər Məmmədli deyib.


Ləman Qasımova

www.anews.az
Instagram
Keçid et
Oxşar xəbərlər
Oxşar xəbərlər
Xaçmazda iki avtomobil toqquşub, bir ailənin altı üzvü xəsarət alıb
Cəmiyyət 23:30
Xaçmazda iki avtomobil toqquşub, bir ailənin altı üzvü xəsarət alıb
Qazaxda 63 yaşlı kişi Kürdə batıb
Cəmiyyət 22:56
Qazaxda 63 yaşlı kişi Kürdə batıb
Bu ərazilərdə qaz olmayacaq
Cəmiyyət 22:20
Bu ərazilərdə qaz olmayacaq
Sabah hava meteohəssas insanlar üçün əlverişsiz olacaq
Cəmiyyət 18:06
Sabah hava meteohəssas insanlar üçün əlverişsiz olacaq
Magistral yollarda görünüş məsafəsi məhdudlaşacaq
Cəmiyyət 17:43
Magistral yollarda görünüş məsafəsi məhdudlaşacaq
Gəncədə yol qəzası baş verib, xəsarət alanlar var
Cəmiyyət 13:30
Gəncədə yol qəzası baş verib, xəsarət alanlar var
Sabah Bakıya yağış, dağlıq ərazilərə qar yağacaq
Cəmiyyət 12:38
Sabah Bakıya yağış, dağlıq ərazilərə qar yağacaq
Azərbaycan vətəndaşlarının İordaniyaya vizasız rejimi tətbiq edilib
Cəmiyyət 12:01
Azərbaycan vətəndaşlarının İordaniyaya vizasız rejimi tətbiq edilib
Astarada yol qəzası nəticəsində qaz xətti zədələnib, beş kənddə qaz kəsilib
Cəmiyyət 11:45
Astarada yol qəzası nəticəsində qaz xətti zədələnib, beş kənddə qaz kəsilib
Anews TV

Rəsmi Youtube kanalımız

Abunə ol