Vətən qazisinə söz verilən yardım niyə gecikir?

 

Anews.az müraciət edən qazi hara şikayət edəcəyini bilmədiyini bildirir.

 

"Müharibədən qabaq bərbərlik peşəsi üzrə fəaliyyət göstərirdim. Könüllü olaraq müharibəyə getdim.  Döyüş zamanı yaralandığıma görə, öz bərbərlik avandıqlarımı satıb müalicəmə xərcləməyə məcbur oldum. Müalicəm bitdikdən sonra 2021-ci ilin oktyabrında Dövlət Məşğulluq Agentliyinin proqramlarına qoşulub bərbərlik kurslarını uğurla bitirdim. Mənə söz verdilər ki, dekabra kimi mənə bərbərliklə bağlı avandanlıq veriləcək. Yanvardan bu günə qədər götürdüyüm icarə yeri üçün sadəcə boş pul ödəyirəm. Avadanlıqlarım olmadığına görə işimlə məşğul ola bilmirəm. Məni hər ay söz verib sadəcə vaxtımı uzadırlar", -  Abdullayev bildirib.

 

Məsələ ilə bağlı Dövlət Məşğulluq Agentliyinin Strateji Kommunikasiya departamentinin müdiri Mayis Musayev anews.az-a açıqlamasında bildirib ki, Nizami rayon sakini Abdullayev Orxan Rasim oğlu Dünya Bankı ilə birgə əməkdaşlıq çərçivəsində həyata keçirilən "Azərbaycanda Məşğulluğa Dəstək" layihəsinin  iştirakçısı olub və bu təlimləri  2021-ci il dekabrın 28-də  bitirib. O, cari ilin aprel ayı ərzində "kişi bərbərxanası" zərfi üzrə avadanlıqlarla təmin olunacaq.

 

Orxan Abdullayev 44 günlük Müharibədə Füzuli,Cəbrayıl,Xocavənd və Hadrut istiqamətində gedən döyüşlərdə iştirak edib. "Xocavəndin azad olunmasına görə” medalı ilə təltif olunub, ağır yaralanıb və uzun reabilitasiya keçib. 

 

Mayis Musayev yaxın zamanlarda qazinin lazımi avadanlıqla təmin olunacağına söz verib. Məsələni diqqətdə saxlayıb əlavə məlumat verəcəyik.