Qanunsuz balıq ovlayanlar cəzalandırıldı

Dövlət Ekoloji Təhlükəsizlik Xidmətinin əməkdaşları tərəfindən keçirilən növbəti nəzarət tədbirləri zamanı Xəzər dənizinin  Bakı və Sumqayıt şəhərləri akvatoriyasında və Mingəçevir su anbarında balıq ovlayan şəxslər saxlanılıb.
 
Xidmət rəsmisi Bəhruz Məhəmmədovun sözlərinə görə,  araşdırma zamanı brakonyerlərin Sumqayıt şəhər sakini Oleq Baluyev, Yevlax rayon sakini  Şükür Əzizov, Samux sakini Cəbrayıl İlyasov və Qax  sakini Vüqar Məmmədov olduğu müəyyən edilib, onlardan istifadəsi qadağan olunmuş ov alətləri götürülüb:
 
"Faktlarla bağlı qanun pozucuları barəsində protokol tərtib olunub və qanunamüvafiq tədbirlər görülüb”.
 
Bəhruz Məhəmmədov bildiri ki, ayrı-ayrı inzibati rayonların ərazisində keçirilən nəzarət tədbirləri zamanı su hövzələrindən ümumilikdə 1562 metr uzunluğunda sintetik tor yığışdırılıb.

www.anews.az