Ləğv olunan kurikulum necə əvəzlənəcək - AÇIQLAMA

Təhsil naziri Emin Əmrullayev 1998-ci ildə təsdiq edilmiş "Məktəbəqədər müəssisələrdə tərbiyə və təlim proqramı” və Nazirliyinin 10 iyul 2012-ci il tarixli 1329 nömrəli əmri ilə təsdiq olunmuş "Azərbaycan Respublikasında məktəbəqədər təhsil proqramı (kurikulumu) (3-6 yaş)” ləğv edib. 


Nazir Təhsil İnstitutuna (Rüfət Əzizov) "Məktəbəqədər təhsil proqramı (kurikulum)”nın əsasında metodiki tövsiyələrin hazırlanmasını təmin etmək tapşılıb. Əmrin icrasına nəzarət nazir müavini Firudin Qurbanova həvalə olunub.

 

Təhsil eksperti Kamran Əsədov deyir ki, nazirin ləğv etdiyi kurikulum müəllimlər arasında çaşqınlıq yaradıb.

 

"Əslində ləğv olunan sistem köhnəlmiş bir metod idi. Yeni təlim-tərbiyə metodları ortaya qoyulacaq.Əvvəlki kurikulumla görə uşaqlar arasında yaşa görə öyrənilmə sistemi yox idi. Elə 3-6 yaşlar üçün eyni proqram icra olunurdu. Bundan sonra isə hər yaş qrupuna görə kirukumlar hazırlanacaq. Necə ki, özəl baxçalarda uşaqlar məktəbə hazırlaşdırma proqramı ilə dərsliklər keçirilirdi. Dövlətin yeni proqramı da bu yöndə olacaq" ekspert bildirib.